شعر طنز روز زن
آی کیشی چوخ غصّه لیم من گنه
غم سیخیری قلبیمی چون مَنگِنه
بیر نچه گون قالموری روز زنه
آخشامینا کوفته پیشیرّم سنه
آی کیشی بیر یاخشی موبایل آل منه
جامعه مشغول اولوب اینترنتهمن یانیرام سنده اولان پاتلته
کُلفتی دوت شام ناهارا اُملِته
اَت گتیمیرسن که چکم ایشگنه
آی کیشی بیر یاخشی موبایل آل منه
گورنه دوشوب جامعه حالدان حالا
ماه پری بیر بوش کیفی سالمیش دالا
بنزیر اوزاقدان قوچعلی حمّالا
قول قولا قنبرله چیخوب گردشه
آی کیشی بیر یاخشی موبایل آل منه
زنگ ووراندا دییَرم جان اَلو
سن منه دِی ، منه سنه هرآن الو
جان گوزه لیم جان سنه قربان الو
گور نئجه گوز داغی وئراخ دشمنه
آی کیشی بیر یاخشی موبایل آل منه
مین نچه یوز ایل بیزی ائتدوز اسیر
کهنه شریعتدن آدام اولدی سیر
ایندی خانم هم آسیری هم کسیر
قیز کیشی وار قویما باشون گورسنه
آی کیشی بیر یاخشی موبایل آل منه
سنده یِتیش بیر اوزووه ای عوام
کامپیوتر عصریدی چوخ اولما خام
عشق اِئله ئِلدن دالی قالماز آدام
هئچ باخیسان همسایامیز بهمنه
آی کیشی بیر یاخشی موبایل آل منه
مقنعه گلناره دئدیم آلمادون
گلگزه گوشواره دئدیم آلمادون
بیر دانا ماهواره دئدیم آلمادون
ایش یِتیشوب گوز یاشینا شیونه
آی کیشی بیر یاخشی موبایل آل منه
ایندی موبایل آلمیانا ئِل گولور
طویدا قوناقلقدا آدام اسگیلور
داغدا گزور باغداکین انسان بیلور
بیر بِئله فرصت اله دوشمز گنه
آی کیشی بیر یاخشی موبایل آل منه
روز زن بر همه مادران مبارک باد
کپی برداری از این مطلب بدون ذکر منبع کار خیلی بدی است درضمن حلالم نیست
شعر از استاد کریمی مراغه ای
