شعر ترکی درباره شهر شندآباد

شعری زیبا  از آقای محمد علی اخترشناس در وصف

شهر زیبای شندآباد

آنا یوردوم گوزل وطن شندآباد

باغ باغچالی گوللی چمن شندآباد
یئر ورموسن اوستونده باغ بوستانا
مشوقسن برزگره دهقانا
آدین گورنه بیر یاییلیب هریانا
اکینچیه بهره وئرن شندآباد
زحمتکشلر سنده اکیب بیچرلر
توپراقیندا گوزل باغلار اکرلر
باغ بسلییوب سنده زحمت چکرلر
اگنینه گوی لباس گیه ن شندآباد
واردی سنون تماشالی باغلارین
آلما ، هلو ، گلابی آغاجلارین
آز اولماسا اگر سنون سولارین
چوخ گوزل بیر سرسبز سن شندآباد
داهی دوشمز سنین آدین دیللردن
شأنین آرتار گونی گوندن شندآباد
سن بیر یئرسن گوزل ایران زمینده
ساییلانسان آذربایجان یئرینده
یاشیل دونلی میشوغون اتگینده
گونی گوندن گوزلنن شندآباد
اخترشناس دوزدی شاعر ساییلماز
آذربایجان اولکه سینده تانیلماز
بو سوزلردن چکر نظمه داریخماز
یازار دییر گوزل وطن شندآباد
باغ باغچالی گوللی چمن شندآباد